Ditët e mia në Tokio
Muajin e kaluar pata kënaqësinë të kaloja sërish disa ditë në Tokio, një qytet me energji pothuajse të prekshme me dorë. Është krejtësisht ndryshe nga çdo vend tjetër ku kam qenë dhe jam e magjepsur nga ndërthurja e së vjetrës me të renë dhe traditës me teknologjinë. Në vizitën time të fundit pata fatin të kridhem në këtë qytet të jashtëzakonshëm dhe tashmë po mundohem të gjej një arsye për t’u kthyer sërish. Më poshtë po ju rekomandoj disa nga vendet që duhet të vizitoni.
Dua x
- Narukiyo Izakaya – një restorant pa meny për të konsumuar darkën që më pëlqen shumë, me ushqime të shijshme dhe një atmosferë argëtuese, pronari i të cilit duket të jetë i pasionuar pas ekspozimit të objekteve falike në të gjithë ambientin.
- Mori Art Museum – një muze kaq tërheqës me ekspozita të mahnitshme. (Kur shkova atje, vizitova ekspozitën Listen To The Sound Of The Earth Turning, gjë që më bëri të mendoj se kush jemi ne njerëzit dhe për gjendjen aktuale ku ndodhet bota sot).
- Sushi Yuu – është restoranti im më i preferuar për sushi.
- Studio Ghibli Museum – nëse jeni admirues i filmave të animuar nga studio “Ghibli”, atëherë duhet ta vizitoni patjetër. Është vërtet dëfryese të kridhesh në këtë botë krijuese (dhe parku tematik “Ghibli” hapet në nëntor).
- Amore Vintage – koleksioni më i mirë i çantave dhe aksesorëve të stileve vintage dhe veshjeve për raste të veçanta. Përpiqem të mos bëj pazar askund tjetër dhe të kursej për të ardhur këtu kur jam në Tokio – ia vlen të presësh.
