Issue #012 “Vrapo në pyll dhe bëhu ajo zana e vogël ‘queer’ që je” – “Drag Queen” Pattie Gonia po i kthehet natyrës për të gjithë

All products featured are independently chosen by the Service95 team. When you purchase something through our shopping links, we may earn an affiliate commission.

People, The Environment, Activism

“Vrapo në pyll dhe bëhu ajo zana e vogël ‘queer’ që je” – “Drag Queen” Pattie Gonia po i kthehet natyrës për të gjithë

April 14, 2022 | By Laura Studarus

“Drag queen” dhe ylli i rrjeteve sociale, Pattie Gonia, është e paparashikueshme kur bëhet fjalë për aventurat në natyrë. Thjesht duke ekzistuar në lavdinë e tyre tekno-ngjyrëshe në mes të mrekullive të natyrës, ato po e mbysin idenë se natyra është një hapësirë e kufizuar vetëm për heteroseksualët e bardhë. Nga Instagram i tyre i pëlqyeshëm, tek drejtimi i një platforme për pozicione pune të LGBTQIA+ e deri tek mbledhja e fondeve e organizatave jofitimprurëse për BIPOC, “drag queen” e mjedisit është bërë një zë i rëndësishëm, duke përcjellë këtë mesazh: të gjithë i përkasin natyrës.  Është një mësim që ato e përqafuan, ndërsa luanin si fëmijë në fermën e gjyshërve të tyre në Nebraska. “Historia është e qartë [për fëmijët e LGBTQIA+]: ata duhet t’u drejtohen qyteteve që të pranohen”, shprehen ato. “Më pëlqen të vrapoj në pyll dhe të jem zana e vogël ‘queer’ është mënyra më e bukur për t’u lidhur me këtë planet dhe me veten – kështu që, kjo është ajo që po bëj”. 

Që kur videoja e tyre e parë u bë virale në vitin 2018, dizajnet e Gonias, të frymëzuara nga natyra, janë bërë shumë popullore, duke u frymëzuar edhe nga “The Sound Of Music”, “Don’t Look Up” e Ariana Grandes, madje edhe nga Marie Antoinette, që paraqet një fustan të thurur me 1000 letra ambalazhi dhe qese plastike që mblodhën gjatë karantinës. Edhe në mes të arteve të tyre skenike mbresëlënëse, një gjë është shumë e qartë: nuk duhet të jesh si gjithë të tjerët për të shijuar natyrën dhe për ta mbrojtur atë. Është një mesazh që Gonia e mbart gjithashtu me vete edhe kur kthehet në shtëpi dhe organizon ekskursione në grup në të gjithë SHBA-në, duke ecur jashtëzakonisht bukur me taka të larta nëpër shtigje. (Nëse dëshironi të përfshiheni, ndiqni rrjetet e tyre sociale. Ato premtojnë se do të planifikojnë më shumë ekskursione në të gjithë Amerikën gjatë vitit 2022).

“Nëse ndiheni të shkëputur nga kjo botë, fikni aparatet elektronike, vishni një palë këpucë dhe thjesht dilni në natyrë”, shprehen ato. “Unë, në shumicën e ditëve [thjesht] lyej thonjtë në oborrin e shtëpisë sime… Më shumë njerëz po shëtisin në natyrë si kurrë më parë, veçanërisht ata “queer” dhe që janë injoruar në mënyrë sistematike. Jam shumë mirënjohëse që jam lidere nën njëfarë cilësie dhe ndjekëse nën shumë të tjera”.  Laura Studarus është gazetare udhëtimesh që jeton në Los Anxhelos, e cila ka shkruar artikuj për “BBC”, “Thrillist”, “Vice” dhe “Marie Claire”

“Vrapo në pyll dhe bëhu ajo zana e vogël ‘queer’ që je” – “Drag Queen” Pattie Gonia po i kthehet natyrës për të gjithë

Read More

The Prishtina Creative Duo Encouraging Artistic Experimentation In Kosovo

“We Are On The Frontlines, Not The Front Pages” – Why African Voices Need To Be Heard In The Climate Debate

Artist Bex Day On Celebrating The Beauty And Reality Of Female Genitalia