Vizitoni botën nga afër shtëpisë
Një nga kënaqësitë më të mëdha të turneut është eksplorimi i vendeve afër shtëpisë, ku nuk kam kaluar kurrë aq kohë sa duhet, siç është Dublini, një qytet i gjallë ku sapo përfundova dy shfaqje. Nga një ndalesë njëditore në Wicklow (ata që thonë se fshati irlandez ka peizazhet më të mrekullueshme kanë të drejtë) deri tek ushqimet dhe pijet anembanë qytetit, këto kanë qenë disa nga ditët më mikpritëse, më të ngrohta dhe më gjallëruese të kohës që kam kaluar duke udhëtuar. Më poshtë po përmend vetëm disa nga vendet me të cilat rashë në dashuri në Dublin, dhe më tej botimin tonë të mrekullueshëm nr. 014 – mos e humbisni historinë tonë me Beata Heuman, e para në serinë e re të Service95 – Mënyra si punojmë – përmes së cilës krijuesit do të na tregojnë se çfarë e frymëzon jetën e tyre profesionale.
Dua x
- Grogans – vendi më i mirë për të konsumuar një pije dhe një tost.
- Te Hugo – vendi me ushqimet e vogla më të preferuara, i cili ndodhet shumë pranë parkut “St. Stephen’s Green”.
- Fish Shop – edhe nëse nuk i preferoni shumë ushqimet e detit, ky është restoranti që do t’ju bëjë për vete.
- Toners Pub – është hapur që nga viti 1734, dhe kjo ishte pikërisht ajo që prisja nga një bar tradicional irlandez.
- Peruke & Periwig – një listë koktejesh sipas zhanrit të muzikës? Është e pamundur të mos magjepseni…
