The Clit Test: Një masë për të vlerësuar kënaqësinë femërore
Kanë kaluar mbi dy vjet që kur Frances Rayner thelemoi fushatën The Clit Test, e cila ka marrë emrin – “Testi Bechdel” për skenat seksuale, që përfshin një shfaqje ose film televiziv që tregon për ekzistencën e klitorit dhe rëndësinë e tij. “Ideja se seksi përkufizohet si një penis që penetron në vaginë, po venitet vërtet”, thotë Rayner.
E vendosur për të shikuar skena të vërteta seksuale në ekran, Rayner – një komunikuese e një shoqate bamirëse me qendër në Glasgou, Skoci – është befasuar nga reagimi ndaj fushatës. “Kur dhashë një njoftim për shtyp për herë të parë për The Clit Test, nuk e kisha idenë se sa të interesuar do të ishin njerëzit, por që nga ajo kohë ai është shfaqur në 14 vende, në disa media kryesore”, thotë ajo. “Testi ka gjetur mbështetje të madhe te seksologët, regjisorët, krijuesit, aktorët dhe koordinatorët e skenave intime”. “Qëllimi im ishte të intensifikoja punën e mirë që po bënin krijuesit dhe ta shpalosja këtë si slogan të seksit që të fal kënaqësi – dhe mendoj se kjo kryesisht është arritur. Pavarësisht nëse fushata e ka bërë ose jo punën e vet, jam shumë e lumtur të them se, gjatë gjashtë muajve të fundit, nuk kam parë shumë skena seksi që shfaqin vaginën dhe që nuk përfshijnë pak aksion me klitorin”. Pra, cilët janë filmat dhe shfaqet e fundit televizive që zënë vendin e parë? Më tej, Rayner na njeh me disa prej tyre:1. Bridgerton “Mendoj se u kthyen thjesht në normalitet”, thotë Rayner për skenat e seksit në sezonin e parë të hitit të Shonda Rhimes në Netflix, Bridgerton. “Kishte kaq shumë skena që përfshinin seksin oral dhe duart. Dhe është me të vërtetë diçka e bukur ta shohësh në atë mënyrë konvencionale erotike, dhe, natyrisht, që nuk do të ketë në qendër vetëm penetrimin”.
Megjithatë, jo çdo gjë ishte e përsosur. “Problemi i vetëm që kam me shfaqjen ishte skena ku Daphne [rol i luajtur nga Phoebe Dynevor] e mashtron bashkëshortin e saj Simon [i luajtur nga Regé-Jean Page] për të mbetur shtatzënë – ose që po përpiqej të mbetej e tillë”, shpjegon Rayner. “Dhe ai i kërkon asaj që të ndalojë, por ajo nuk e bën. U ndjeva se kjo pjesë e skenarit nuk u trajtua shumë seriozisht. Kjo pjesë u kritikua nga shumë njerëz”. 2. Annette “Kjo është si një vepër e vërtetë arti”, shprehet Rayner për filmin e vitit 2021, Annette. “Çka është e mahnitshme lidhur me këtë – dhe u diskutua gjatë për këtë në atë kohë – është se zhvillohen tri skena seksi [në film]. Personazhet kryesore janë Adam Driver dhe Marion Cotillard, i cili i bën asaj seks oral në të dyja skenat e para seksuale, kështu që, ju shikoni mjaft nga kjo skenë po aq sa shihni penetrimin seksual, gjë që duket sikur ndodh në të njëjtin nivel. Pra, kjo nuk të jep përshtypjen sikur, “Oh, dhe pastaj ne bëjmë edhe këtë gjënë tjetër [seksin oral]”. Penetrimi për gruan është po kaq i rëndësishëm sa edhe për burrin”. 3. The Souvenir: Pjesa II “U gëzova shumë nga skena e seksit në këtë film!”, thotë ajo për serinë e dytë të The Souvenir, ku luajnë dyshja nënë-bijë, Tilda Swinton dhe Honor Swinton Byrne. “Në njërën skenë kemi një akt të shpejtë epshor. Ajo shfaqjet me dikë me të cilin [personazhi i Swinton Byrne] nuk duhet të kryejë marrëdhënie seksuale. Dhe ajo është në ditët e ciklit, dhe ai i bën seks oral. Për mua kjo është një goditje e dyfishtë. Dhe kjo nuk është për shkak se ‘Të dua kaq shumë, saqë jam i gatshëm’. Është njësoj sikur të thuash, ‘Po, ne po bëjmë seks, kështu që nëse po të penetroj, atëherë do të dëshirosh diçka që është e njëjtë, pra, që ka të bëjë me klitorin’”. Në 2022, Rayner po e drejton fushatën në një rrjedhë të natyrshme. “Edhe pse mendoj se revolucioni i klitorit është në rrugë të mbarë, ka ende shumë për të bërë për të përmirësuar normat tona rreth seksit në mënyra të tjera”, shpjegon ajo. “Skenat e kënaqshme seksuale të personazheve trans, ende shfaqen rrallë – Sense8 është një rast unik. Dhe ne jemi ende shumë larg të qenit model për marrëdhënie konsensuale”. Shpresojmë që e gjitha kjo të realizohet. Susan Devaney është gazetare, dhe redaktore e pavarur e cila ka punuar për revista të ndryshe, përfshirë “British Vogue” dhe “Stylist”. Ajo shkruan gjithashtu për uebasajtin “Refinery29 UK”, revistën “ELLE”, gazetën “The Guardian”, e shumë të tjera
