Si të gjeni lodrën e duhur seksuale
Seksologia klinike dhe Sexology Girl, Avril Louise Clarke, na tregon si mund të gjejmë lodrën e duhur
Beqar/e, në një marrëdhënie apo lidhje romantike? Doni të përjetoni për herë të parën orgazmën, të zbuloni pika të reja kënaqësie në trupin tuaj ose të partnerit tuaj ose të provoni gjëra të reja shumë të nevojshme në marrëdhënien seksuale? Përgjigjen mund ta gjeni te përdorimi i një vibratori, lodre anale ose dildo. Lodrat e seksit nxisin gjallërinë dhe kënaqësinë dhe mund të revolucionarizojnë mirëqenien tuaj seksuale, duke ju ndihmuar të zbuloni se çfarë ju pëlqen (dhe ku). Si rrjedhojë, komunikimi me partnerin lidhur me këtë bëhet edhe më i lehtë, gjë që e bën marrëdhënien seksuale edhe më të kënaqshme.
Ka kaq shumë lodra nga të cilat mund të zgjidhni, saqë mund të duket tepër e lodhshme. Prandaj, nga t’ia fillojmë? Epo, nga ju. Duhet të eksploroni dhe zbuloni se çfarë ju bën të ndiheni mirë. Nëse doni të zbuloni nevojat dhe dëshirat e trupit tuaj, atëherë masturbimi është akti më i mirë, dhe më e rëndësishmja, ai është edhe argëtues. Është më se normale që do t’ju duhet njëfarë kohe për të zbuluar preferencat tuaja (dhe kjo mund të ndryshojë me kalimin e kohës), dhe ajo që mund të jetë e kënaqshme gjatë aktit seksual me partnerin mund të ndryshojë kur luani me veten.
Gjatë eksploronit të lodrave të shumta të disponueshme të seksit, gjëja tjetër që duhet të merrni në konsideratë është materiali. Nëse përdorni materiale më të lira, si ato prej materiali PVC, kjo mund të jetë e rrezikshme. Lodrat e sigurta për trupin janë të lehta për t’u pastruar dhe janë prej materiali joporoz, kështu që bakteret nuk mbeten aty dhe nuk zhvillohen. Prandaj materialet më të mira variojnë nga silikoni dhe qelqi, deri te metali dhe kristali. Sigurisht që këto janë më të shtrenjta, por konsiderojeni si një investim për kënaqësinë dhe shëndetin tuaj seksual.
Dhe më pas keni nevojë për lodrën më të mirë të seksit dhe shoqëruesin (seksi) më të mirë që është lubrifikimi. Me përdorimin e një lubrifikanti të mirë, rrëshqitja dhe futja bëhen më të lehta, duke bërë që ju dhe partneri juaj të ndiheni mirë. Lubrifikantët me bazë uji janë zakonisht lodrat më të përshtatshmit për lodrat e seksit, pasi ato me bazë silikoni mund të shpërbëjnë materialet e lodrave prej silikoni (unë personalisht preferoj lubrifikuesin Hanx).
Së fundmi, vlen të themi se kënaqësia ndryshon nga personi në person, ndaj jo çdo lodër është për çdo person. Por, nëse doni të përjetoni orgazëm që të lë pamend ose të shijoni ndryshe jetën tuaj seksuale, këtu janë disa nga rekomandimet e mia më të mira:
1. Njoy Pure Wand
Për një stimulim të përsosur të zonës G dhe të prostatës! Kjo lodër manuale është kaq e mirë për penetrim dhe orgazma intensive. Materialet prej inoksi mund të përdoren gjithashtu për të luajtur paksa me temperaturën, dhe në varësi të preferencës suaj, mund ta ulni ose ngrini atë, duke e ndezur atmosferën.
2. Fin by Dame
Ky vibrator i vogël është ideal për stimulimin si të vaginës, ashtu edhe të penisit. I shkëlqyeshëm për lojëra në çift (ose në grup), ai përshtatet më së miri midis gishtërinjve tuaj, duke e bërë atë më të rehatshëm për përdoruesit nëse gishtat nuk lëvizin lirshëm.
3. Pinwheel Transfix Dual 10 Reel
Nëse aktiviteti i lehtë seksual BDSM (Varësi-Dominim-Sadizëm-Mazokizëm) zgjon interesin tuaj, atëherë kjo rrotëz mund të përshkojë zonat e ndjeshme, për një përvojë rrëqethëse, madje edhe më shumë se kaq.
4. B-Vibe Snug Plug
Nëse ju pëlqen stimulimi anal, provoni këtë vibrator. Në fund ai ka një kapëse, kështu që nuk do ta humbisni diku aty brenda; është i përshtatshëm për përdorim personal, por edhe fantastik për lojën në çift.
5. Eva by Dame
Kjo lodër automatike, e përbërë nga dy krahë që përshtaten pa probleme pranë buzëve të jashtme të vaginës, stimulon klitorin duke e bërë vaginën më fleksible për një penetrim sa më të kënaqshëm, nëse preferoni një stimulim të tillë të dyfishtë.
Avril Louise Clarke është gjithashtu koordinatore e intimitetit për projektin jofitimprurës The P*rn Conversation, e cila fokusohet në formimin gjithëpërfshirës seksual dhe atë pornografik
