Issue #009 Si po i përdor kjo markë aktiviste produktet e parfumeve për të ndihmuar në rindërtimin e Mianmarit

All products featured are independently chosen by the Service95 team. When you purchase something through our shopping links, we may earn an affiliate commission.

Photograph of models running through long grass

Beauty, People, Activism

Si po i përdor kjo markë aktiviste produktet e parfumeve për të ndihmuar në rindërtimin e Mianmarit

March 28, 2022 | By Alex Peters

Bukuria ka qenë gjithmonë politike, por presim gjithnjë e më shumë përgjegjësi sociale nga industria. Tani, një gjeneratë e re e markave aktiviste po përdor platformën e saj për të ndryshuar diçka, përmes ndërgjegjësimit dhe ngritjes së fondeve për kauza në të cilat besojnë.   Dy personazhe që janë të përfshirë në këtë fushatë janë Phway Su Aye dhe Su Zar Wai Hnin, të cilët qëndrojnë pas markës së parfumeve Gabar. E themeluar në 2020, Gabar – që nga gjuha birmaneze përkthehet “botë” – u krijua për të ekspozuar bukurinë dhe kulturën e atdheut të Aye dhe Hnin, Mianmarin, dhe trashëgiminë e tyre të Azisë Juglindore. Aromat ndjellëse janë frymëzuar nga peizazhet e larmishme dhe të gjera të vendit, nga ujërat e qeta të liqenit Inle të Birmanisë deri te xhunglat e blerta të Hpa-An. “Aroma mund të jetë një instrument kaq i fuqishëm për të nxitur kujtime dhe për të shijuar gjendje mendore të ndryshme”, thotë Aye. “Kjo përbën thelbin e markës sonë”. 

Gabar

Megjithatë, fokusi i Gabar u zhvillua pas një grushti shteti ushtarak në Mianmar në shkurt të vitit 2021. Tani ai shërben si një mjet për përhapjen e mesazhit të rezistencës dhe solidaritetit. “Ne e ngritëm Gabarin në mes të kohërave të një dhembjeje të thellë – si në nivel personal, ashtu edhe kombëtar”, thotë Aye, duke pohuar se “nuk ka hije dyshimi” se e cilësojnë veten si pjesë e një marke aktiviste. “Për shkak të kësaj, ne jemi të pasionuara pas rrëfimit të historive të Mianmarit; qëndrueshmërisë së jashtëzakonshme të popullit; se si njerëzit u bashkuan në kohë të vështira dhe se si rinia e udhëhoqi me guxim rezistencën”.    Këtë vit, 10% e të ardhurave nga Gabar do të shkojnë për Prospect Burma, një shoqatë bamirëse që ka në fokus arsimin e lartë për të rinjtë. Përtej mbështetjes së bizneseve dhe shoqatave bamirëse nga klientët që po e ndryshojnë pozitivisht Mianmarin, Aye i nxit të gjithë që të ndërgjegjësojnë njëri-tjetrin. “Në këtë kohë dhe epokë digjitale, secili nga ne mund të ketë ndikim duke mos qëndruar në heshtje. Mbajtja gjallë e historisë së Mianmarit në mendje dhe media do të bënte të mundur që vendi të vazhdonte luftën e tij”. Alex Peters është redaktore e rubrikës së kozmetikës në Dazed Digital. E fokusuar në çështje të bukurisë, mirëqenies dhe kundër objektivizimit të trupit femëror, ajo ka shkruar artikuj për revista si US dhe British Vogue, The Face dhe AnOther Magazine 

Si po i përdor kjo markë aktiviste produktet e parfumeve për të ndihmuar në rindërtimin e Mianmarit

Read More

The Prishtina Creative Duo Encouraging Artistic Experimentation In Kosovo

“French Girl Beauty Is About Being Chic, Effortless And Happy In Our Own Skin”

The Way I Work... Dizziak Founder Loretta De Feo