Si i bëri artistja e shajakut Lucy Sparrow ushqimet e zakonshme një kryevepër që s’njeh kohë
Në një vështrim të shpejtë, ‘Tampa Fresh Foods’ i ngjan një dyqani ushqimor të zakonshëm me ndriçim të plotë. Megjithatë, secili prej 50 000 artikujve të qepur dhe të pikturuar me dorë që gjendet në raftet e një dyqani 2200 metra katrorë në Tampa, Florida është bërë nga shajaku – dhe ofrohet për blerje. Produkte të freskëta, një banak mishi, ushqime deti me bollëk dhe madje edhe një kuti për puro vendase, janë të gjitha pjesë e ekspozitës unike nga artistja e njohur britanike Lucy Sparrow – e njohur edhe si mbretëresha e shajakut.
Dyqani i saj “transformues dhe zbavitës” ka dy vite që është në përgatitje dhe po pushton Floridën (dhe TikTok-un). “E gjitha ka të bëjë me krijimin e një përvoje gjithëpërfshirëse të artit, në mënyrë që njerëzit të promovojnë ndjenjat ekstreme të lumturisë dhe serotoninës”, – shprehet Sparrow për estetikën e këndshme të dyqanit.
“Kam 10 vite që punoj me kohë të plotë si artiste dhe fillova të kujdesem për Cornershop”, – thotë Sparrow, duke iu referuar ekspozitës së saj të parë virale të shajakut në Londër. Artistja sfidon vazhdimisht veten dhe audiencën – qoftë me një “bodega” të mbushur plot që pushtuan qytetin e Nju Jorkut në 2017-ën, apo me “Bourdon Street Chemist” që lajmëroi kthimin e saj në Londër në pranverën e vitit 2021. Artikujt ushqimorë nuk kanë qenë kaq të bukur vizualisht qëkur Andy Warhol e transformoi supën me domate “Campbell” nga një opsion bazë i drekës në art.
Sparrow përmend artistet Tracey Emin dhe Louise Bourgeois si ndikime, pasi kur ajo studionte, “ato ishin të vetmet që përdornin qepjen në një mjedis të artit të bukur”. Një pjesë e Wes Anderson është integruar në këtë botë të lartësuar dhe në veshjen e artistit në stil Moonrise Kingdom. “Unë gjithmonë dizenjoj uniforma të reja për t’iu përshtatur çdo shfaqjeje”, – thotë ajo – bereta e saj e verdhë, pulovra në ngjyrë portokalli të ndritshme dhe minifundi i gjelbër me pala që përqafon paletën e ngjyrave të agrumeve që luan me temat e saj të këndshme.
Të gjithë mund t’ia dalin me një “injeksion lumturie”- thotë ajo, dhe prania në çdo vend e një dyqani ushqimor bazohet në njohjen dhe nostalgjinë. “Është për të gjithë; është tërheqës për të gjitha moshat, prejardhjet, gjinitë, thjesht ejani ta shikoni dhe të argëtoheni”.
Tampa Fresh Foods do të jetë në 1050 Water Street deri më 20 shkurt 2022. Emma Fraser është një shkrimtare e pavarur kulturore me fokus në televizionin, filmat dhe dizajnin e kostumeve. Ajo ka botuar shkrime në revista të ndryshme, duke përfshirë “Elle”, “Vulture”, “The Cut”, “Thrillist” dhe “Little White Lies”
