Issue #001 “Është feminizëm i ndërthurur me atletizmin dhe stilin punk” – njihuni me ekipin gjithëpërfshirës të Hong Kong Roller Derby

All products featured are independently chosen by the Service95 team. When you purchase something through our shopping links, we may earn an affiliate commission.

An Asian women mid trick, at the top of a ramp, wearing roller skates, helmet and protective pads

Inga Beckmann / @whiskey_Inga

Society, Identity

“Është feminizëm i ndërthurur me atletizmin dhe stilin punk” – njihuni me ekipin gjithëpërfshirës të Hong Kong Roller Derby

February 1, 2022 | By Marianna Cerini

Filmi Whip It i Drew Barrymore i vitit 2009, që flet për një vajzë e cila këmben kurorën e saj të konkursit të bukurisë në një qytezë për botën e rrëmujshme të garave të patinatorëve, është një hit që pëlqehet nga personat e lindur në fillim të mijëvjeçarit. Origjina e sportit daton që në vitet 1930 në Çikago. Gjatë kohëve të fundit, ai është bërë një prej nënkulturave që po përhapet më shumë në Azi. Njëlloj si në film, ekipi i Hong Kong Roller Derby është grupi i parë dhe i vetëm i qytetit që praktikon sportin dhe që drejtohet nga vajzat. Pjesërisht si një garë qëndrese, pjesërisht si një ndeshje me mundje dhe gjithçka e bërë mbi patina. Kur u shfaq për herë të parë loja me kontakt të plotë fizik, djemtë dhe vajzat u lejuan që të garonin në rrethana të barabarta në një kohë kur ky koncept ishte i padëgjuar. Me Hong Kong Roller Derby, mesazhi i barazisë gjinore ka evoluar pa frikë në një mesazh feminist. I krijuar në vitin 2013 me vetëm 5 anëtarë, ekipi sot përbëhet nga 30 patinatorë, nga persona kreativë deri te sipërmarrës të rinj që garojnë në turne në të gjithë botën. “Gara e patinatorëve është si feminizmi i ndërthurur me atletizmin dhe stilin punk”, – shprehet Snooky Wong, një anëtare themeluese që ka drejtuar ekipin për disa vite. “Është një mënyrë për t’u ndierë e fortë dhe për të qenë pjesë e një komuniteti me njerëz vërtet fantastikë”. Përjashtohet ajo që nuk ekziston, – shpjegon Wong. “Ne jemi një grup gjithëpërfshirës dhe jemi gjithmonë të hapur për të rritur ekipin tonë”. Janë aq shumë, saqë ajo dhe një anëtare tjetër ekipi kanë hapur një qendër tregtare me disa kate dedikuar patinave Madame Quad, ku të gjithë janë të ftuar. (Gjithashtu, “Wong dhe Co” mund t’i gjeni në Viktoria Park në Hong Kong çdo të martë mbrëma.) “Gara e patinatorëve mund të duket pak frikësuese, por shpirti i kulturës pas saj nuk është i tillë”, – thotë Wong. “Është sporti më mikpritës që kam ushtruar ndonjëherë”. Gjithashtu, është diçka që tradicionalisht nuk pritet nga vajzat aziatike. “Në Azi, ekziston mendësia se vajzat duhet të shmangin lojërat fizike ose në të kundërt mund të mavijosen apo të gjakosen dhe rrjedhimisht të jenë jotërheqëse”, – shprehet Wong. “Gara e patinatoreve “nuk është aspak për zonjusha”. Megjithatë, kjo është ajo çka na tërhoqi shumë prej nesh. Kjo sfidon pritshmëritë”. Marianna Cerini është gazetare që jeton në Milano e cila ka jetuar në Azi për më shumë se një dhjetëvjeçar. Veprat e saj janë shfaqur në Vogue Italia, Condé Nast Traveler dhe CNN Style

“Është feminizëm i ndërthurur me atletizmin dhe stilin punk” – njihuni me ekipin gjithëpërfshirës të Hong Kong Roller Derby

Read More

Beauty In The Age Of Selfies: Exploring Beyond The Binaries

The Sheeryakh Spot Bringing Afghan Culture And Community To London

Why Are Black Beauty Entrepreneurs Still Fighting For Investment Equality?