Pse Jason deCaires Taylor mund të jetë skulptori më i mirë që keni dëgjuar
Artin e tij nuk e shihni brenda një galerie. Në fakt, skulpturat e Jason deCaires Taylor nuk do t’i shihni asnjëherë nëse nuk merrni një tub ajri dhe lopata për zhytje. Të gjitha veprat e tij më të mira janë të padukshme pasi janë nën det.
Dhe ky është qëllimi. Pasi studioi në Kolegjin e Arteve të Kamberuellit në Londër, deCaires Taylor kaloi kohë, duke projektuar skenografi dhe duke dhënë mësim për zhytje me skuba. Në vitin 2006, ai bëri një hap gjigant, duke hedhur kursimet e gjithë jetës së tij në krijimin e parkut të parë publik të skulpturave nënujore në Grenadë (në Karaibe).
Parku i skulpturave nënujore të Gjirit Molinere është tani një nga 25 mrekullitë e botës të National Geographic dhe deCaires Taylor vlerësohet si një nga artistët më të shquar në botë që integron artin bashkëkohor me mbrojtjen e detit.
Përmendim The Raft of Lampedusa, në fundin e detit në Lanzarote (në ishujt Kanarie). Ai përshkruan 13 refugjatë në një barkë që shkon drejt një të ardhmeje të pasigurt ku vetë deti, siç dëshmojnë tragjeditë e fundit në Kanalin Anglez dhe Mesdhe, është një rrezik për jetën.
Megjithatë, edhe deti duhet të mbrohet nga ne. DeCaires Taylor i quan atraksionet e tij nënujore të artit “muze”: “Çdo ditë ne gërmojmë, ndotim dhe peshkojmë pa kriter në oqeanet tona, ndërsa muzetë janë vende për ruajtje, mbrojtje dhe edukim”.
Ky është mesazhi i The Coral Greenhouse në Barrierën e Madhe Koralore, e formuar prej statujash figurative të krijuara për t’u kolonizuar nga grupe koralesh në rritje. Në një zonë ku shkatërrimi i shkëmbinjve koralorë është i pakontrolluar dhe ku ndryshimet klimatike kërcënojnë vetë ekzistencën e tyre, kjo vepër arti do të shndërrohet në një kopsht botanik plot gjallëri dhe nga njeriu do të formohet një mjedis hibrid detar në zhvillim; pjesërisht njerëzor, pjesërisht bimor, pjesërisht koralor.
Ekziston gjithashtu një element rebelimi dhe zgjuarsie me ngarkesë politike në veprën e deCaires Taylor, ndoshta duke iu referuar origjinës së tij si artist urban. Përmendim The Bankers afër brigjeve të Kankunit, ku: “Çdo skulpturë është në një pozicion lutjeje për të treguar se sendet monetare kanë zëvendësuar Zotin”. Bankierët nën ujë kanë zgavra midis vitheve në të cilat krustacët dhe ngjalat mund të bëjnë shtëpitë. Një ngjalë që jeton në të pasmet e një bankieri? Tani ky është art.
5 nga vendet më të mira për të parë veprat e Jason deCaires Taylor
- Museo Subacuático de Arte (MUSA); Isla Mujeres, Kankun, Meksikë
- Molinere Underwater Sculpture Park; Zona e Mbrojtur Detare Molinere Beauséjour, Grenadë (në Karaibe)
- Museo Atlántico; Las Coloradas, Lanzarote (në ishujt Kanarie)
- Museum of Underwater Sculpture Ayia Napa (MUSAN); Ayia Napa, Qipro
- Museum of Underwater Art (MOUA); Taunsvill, Australi
