Për çfarë jam mirënjohëse...
Për ata që nuk e dinë, nesër në Shtetet e Bashkuara festohet Dita e Falënderimeve. Edhe pse nuk jam amerikane, më pëlqejnë festat që i nxisin njerëzit të mblidhen rreth tryezës me familjet e tyre, të hanë ushqime të shijshme dhe të flasin për bekimet e tyre. Shumicën e netëve para se të shkoj të fle, përpiqem të imagjinoj një listë me gjërat për të cilat jam mirënjohëse, dhe duke menduar për këtë vit të jashtëzakonshëm, jam mirënjohëse për shëndetin tim, familjen time, miqtë e mi, familjen time të turneut dhe për të gjithë fansat e jashtëzakonshëm para të cilëve kam patur mundësinë të performoj në të gjithë botën! Deri në momentin e shkrimit të këtij artikulli, kemi zhvilluar 93 koncerte, kemi ende disa të tjerë, por dashuria dhe mbështetja më motivojnë të vazhdoj. Me shpresë që nuk do të tingëllojë e rëndomtë, por jam gjithashtu mirënjohëse për të gjithë ju lexuesit tanë kureshtarë të Service95, që me përfshirjen tuaj shoqërore dhe politike në këtë buletin ndikoni te mënyra se si punojmë dhe i tregojmë historitë tona. Kjo nuk do të ishte e mundur pa ju. Dua x
