“Nuk kishim asnjë plan për marrëdhënie seksuale ndërmjet një personi jogjinor dhe queer”: Shkrimtari dhe interpretuesi Yas Necati flet për dashurinë intime si akt qëndrese

Ndërsa unë dhe partneri im shtrihemi dhe përqafohemi pas seksit, pyes veten se si është e mundur që dikush ta quajë mënyrën si e prekim njëri-tjetrin si diçka të çuditshme, vulgare ose anormale. Ne e shikojmë dhe e përqafojmë njëri-tjetrin me ëmbëlsi. Ndonjëherë tregohemi të butë, ndonjëherë jemi gazmorë dhe ndonjëherë tjetër të vrazhdë, dhe gjithmonë jemi në komunikim me njëri-tjetrin. Gjithmonë jemi duke mësuar më shumë se si personi tjetër të jetë i gëzuar dhe i qetë, dhe si të ndihet i përkëdhelur dhe i admiruar. Ndonjëherë nuk mund ta besoj se jetojmë në një botë ku ndiejmë se euforia e përbashkët është një akt qëndrese. Të jesh queer është të jesh person i guximshëm dhe mospërfillës sa herë bëjmë seks. Dashuria jonë për njëri-tjetrin është edhe e lehtë edhe në shenjë proteste.

Qoftë natën vonë ose një mëngjes të ftohtë të diele, në krahët e partnerit tim ndihem më shumë vetvetja dhe më i fortë. Duke qenë jogjinor, mua ma ngatërrojnë gjithmonë gjininë në rrugë, pavarësisht veshjes ose paraqitjes. Por në krahët e personit, edhe nëse nuk vesh asgjë, personi prapë më shikon për atë që jam. 

Gjatë kohës që kemi qenë bashkë, jam ndjerë se kam qenë në gjendje të provoj gjëra të reja dhe të largohem nga disa pritshmëri të normave gjinore që kisha për veten si mashkull transgjinor. Kur bëjmë seks, ndihem rehat të eksperimentoj me gjëra të ndryshme lidhur me gjininë time. Kjo më bën të jem i lirshëm dhe jo nën presion. Mundësia që më është dhënë për të eksperimentuar dhe për të qenë i hapur në një mënyrë kaq të sigurt më ka dhënë rehati dhe siguri në vetvete edhe në aspektet të tjera të jetës.

Gjatë fëmijërisë sonë, nuk kishim asnjë ide se si mund të ishte seksi midis një personi jogjinor dhe queer, kështu që e sajojmë atë gjatë procesit. Pyesim njëri-tjetrin se çfarë na bën të ndihemi mirë dhe e bëjmë. Ndihem i entuziazmuar, sepse sa herë që jemi intimin me njëri-tjetrin, ne po ndërtojmë mbi themelet e transgjinorëve dhe personave queer që rezistojnë dhe luftojnë për të riformuluar seksin. 

Në njëfarë mënyre, kjo e bën kohën që kalojmë së bashku edhe më të bukur. Të dy kemi luftuar për dashurinë e njëri-tjetrit dhe të dy zotohemi se do ta vazhdojmë betejën. 

Yas Necati është gazetar dhe poet, interpretues i stilit “drag” dhe recitues, dhe publicist për çështje gjinore i Gal-Dem