Njihuni me Mathilde Mackowski, gruan që qëndron pas lodrave të para të seksit në botë të prodhuara nga materialet plastike të mbledhura në oqean 

“Pasioni im ka të bëjë me dëfrimin. Për mendimin tim, të gjithë duhet të bëjnë një jetë seksuale dëfryese”, thotë Mathilde Mackowski. Kjo është pikërisht arsyeja pse ajo u përfshi në industrinë e lodrave të seksit 14 vjet më parë dhe bashkëthemeloi markën erotike skandinave Sinful. Që nga fillimi, pati interes shumë të madh mediatik për shkak të thjeshtësisë së tyre. “Ne ishim të parët në vendet nordike që u përpoqëm të prodhonim lodrat e zakonshme të seksit”, kujton ajo. “Shumë media po na kontaktonin, sepse ne ishim, si të them, normalë, duke u dukur si ‘vajza që jeton tek dera përballë’”.

Tani ajo është duke lançuar Ohhcean, lodrat e para të seksit në botë të prodhuara me materiale plastike të mbledhura në oqean. Me pak fjalë, kjo është plastikë e mbledhur në oqeane, nga reshjet e shirave ose në plazhe përpara se të kthehet në problem. Duke punuar me #Tide, një nga konkurrentët kryesorë në botë në riciklimin e plastikës së mbledhur në oqean, Ohhcean ka krijuar tre produkte: Shkopin Magjik, Vibratorin e pikës G dhe Vibratorin e trupit. Të mbuluara me silikon të këndshëm, produktet pasqyrojnë nuancat e valëve të oqeanit.

Kjo qasje ndaj lodrave të seksit – që është dëfryese dhe që ndërkohë mbron planetin nga dëmet e mëtejshme – është diçka që Mackowski shpreson se do të frymëzojë kompanitë e tjera në botë të mendojnë po njëlloj. “Dua të filloj një valë të madhe ndryshimesh”.

Susan Devaney është gazetare, redaktore dhe konsulente e pavarur e cila ka punuar për revista të ndryshe, përfshirë “British Vogue” dhe “Stylist”