Një udhëzues i specializuar për Hay-On-Wye
Duke qëndruar mbi kufirin midis Anglisë dhe Uellsit, qyteti i vogël i Hay-on-Wye në Mbretërinë e Bashkuar ka pasur gjithmonë një ndjesi të lehtë kundër establishmentit. Por reputacioni i tij për formën e butë të anarkisë së qyteteve të vogla u vulos më 1 prill 1977 kur librashitësi vendas, Richard Booth, kalëroi nëpër qytet dhe e shpalli Hay mbretëri të pavarur. Duke mbajtur një kurorë prej kallaji, një sferë dhe skeptër prej kasete tualeti të hedhur, ai u vetshpall Mbret i Hay.
Booth ndërroi jetë në vitin 2019, por, 45 vjet më pas, trashëgimia e tij jokonformiste vihet re ende në qytet. Duke i bërë sfidë gjigantit Amazon, Hay është qendra e më shumë se 20 librarive të pavarura (në një qytet me 2000 banorë, këtu ka më shumë librari për frymë se kudo tjetër në botë). 100,000 vizitorë do të marrin pjesë javën e ardhshme në Festivalin e Hay për biseda letrare, komedi dhe muzikë. Dikur i njohur si “Festivali i Woodstock”, ky vit do të kulmojë me praninë e Hillary Clinton, Bernardine Evaristo dhe Elif Shafak, dhe me një event për mbledhjen e fondeve për Ukrainën me titullin “Benedict Cumberbatch”. (Do të ketë edhe festivale të tjera të Hay në mbarë botën, përshirë Meksikën, Perunë, Kolumbinë, Francën dhe Spanjën). Megjithatë, përtej festivalit të famshëm, mund të vizitoni dhe bëni shumë gjëra në qytet. Më poshtë po japim udhëzuesin final të Service95 për Hay-on-Wye. Libraritë: Është e pamundur që të shkoni në Hay dhe të mos vizitoni një nga libraritë e tij. Filloni me librarinë Richard Booth, një institucion lokal dhe libraria më e madhe e librave të përdorur në Evropë. Nga aty, vazhdoni drejt. Nëse preferoni të lexoni diçka tërheqëse para gjumit, që ka të bëjë me krime të vërteta, atëherë lexoni Murder & Mayhem. Por nëse preferoni më shumë vargjet me rimë, The Poetry Bookshop është e vetmja librari me libra të përdorur poezie në Mbretërinë e Bashkuar. Shopingu: Për fat të keq, në Hay mungojnë dyqanet e markave të njohura përgjatë rrugicave, por që kompensohet nga dyqanet e bizneseve familjare. The Old Electric Shop është një ndërthurje boheme e përzier me mobilie industriale, veshje dhe bizhuteri artizanale, dhe që përfshin ushqime të shijshme vegjetariane. Vitrinat e vetme në dyqanin e mrekullueshëm ekscentrik cilësor Bain & Murrin’s World Famous Emporium ia vlen që të vizitohen. Nëse jeni në humor për kinematë e artit, vizitoni Flaming Lady of Hay, një librari-galeri e pazakontë që promovon artistet femra. Ushqimi: Nëse jeni në kërkim të një ushqimi të shijshëm të sezonit, atëherë Chapters u bën konkurrencë edhe restoranteve më me emër. I ngritur mbi një ish-kishë të vogël, ai u nderua së fundmi me një Yll të Gjelbër Michelin për “përkushtimin e jashtëzakonshëm eko-miqësor”. Për një atmosferë më të qetë, provoni bar-restorantin Tomatitos, ku pronarja Thalia do t’ju argëtojë për orë të tëra. Për diçka vërtet unike, mos druani të dilni jashtë Hay dhe të gjeni fushën e pamarkuar që mirëpret Off Grid Gourmet, ku kuzhinieri Hugh Sawyer ofron një festë vërtet mbresëlënëse, duke përdorur vetëm një sobë druri dhe tymuese. Siç thotë ai, “Ia kalon edhe Vitit të Ri”. Hay Festival 2022, 26 maj – 5 qershor Maria Padget është redaktore konsulente për Service95, e cila jeton në Hay-on-Wye
