Një recetë e ngrohtë dimri nga Yinka Ogunbiyi

Kuzhinierja britaniko-nigeriane Yinka Ogunbiyi (@foodfireandsoul) e ndan kohën e saj midis Bostonit dhe Londrës. Ajo shpiku Kamado Joe SloRoller (që përmirëson skarat qeramike, duke krijuar më shumë tym për ushqimin dhe duke e shpërndarë në mënyrë të barabartë nxehtësinë), bashkëdizenjoi një linjë skarash inteligjente për Barbecue dhe tani ka krijuar një recetë unike për Service95.

Oriz jollof me fruta deti 

Orizi jollof është një nga pjatat më të pëlqyera dhe më të debatuara, veçanërisht brenda komunitetit të Afrikës perëndimore. Arsyeja? Sepse ka shumë variacione të kësaj pjate: disa përdorin oriz kokërrgjatë, të tjerë përdorin oriz basmati, disa shtojnë qumësht kokosi, ndërsa të tjerë përdorin pure domatesh dhe domate të konservuara në vend të atyre të freskëta. Ky është marifeti im për këtë ushqim klasik, i mbushur me fruta të freskëta deti dhe i frymëzuar nga rizoto portugez me butakë. Kjo recetë është e përsosur për një darkë me miq, por zakonisht nuk i rezistoj tundimit për ta ngrënë me lugë direkt nga tenxherja.

Përbërësit

Për 4-6 persona

4 domate të freskëta të grira 
2 speca të kuq pa kërcinj dhe të prerë trashë
½ qepe e prerë në copa
1 spec djegës (ose habanero) pa fara
150 ml (⅔ e gotës) vaj vegjetal ose luledielli
4 thelpinj hudhre të grira
1 lugë gjelle trumzë
1 lugë gjelle pluhur speci
1 lugë gjelle erëzash kerri
1 gjethe dafine
1 kub bujoni me shije peshku
400 gr (2 gota) oriz kokërrgjatë i zier pjesërisht
kripë

Fruta deti
8 karkaleca të mëdhenj së bashku me kokën, të qëruar dhe pa venën e zezë (ruani guaskat)
½ kg midhje, të shpëlara dhe të pastruara
½ kg molusqe në ujë të kripur për 15 minuta

1. Përziejmë domatet, specat e kuq, qepët dhe specin djegës derisa të marrin formën e puresë.
2. Ngrohim vajin në nxehtësi mesatare në një tenxhere të madhe jo reaktive për tre minuta në mënyrë që vaji të “zihet”.
3. Hedhim hudhrat, erëzat, barishtet dhe lëngun në vaj dhe 2 lugë çaji me kripë. Shtojmë guaskat e karkalecit nëse i përdorni. I skuqim mirë për një ose dy minuta derisa të jenë edhe aromatike. 
4. Shtojmë përzierjen e domateve. I mbulojmë, ulim nxehtësinë në mesatare dhe i ziejmë për 5 minuta. Shijojini dhe hidhni salcë. Salca duhet të jetë e shijshme dhe me erëza. Veçojmë ¼ e salcës (rreth 120 ml) që ta përdorim më vonë.
5. Shpëlajmë orizin mirë derisa uji të jetë i pastër dhe e hedhim në një tenxhere. Mbulojmë tenxheren, ulim nxehtësinë dhe ziejmë orizin në avull për rreth 30 minuta derisa të jetë i butë. Përzieni butësisht orizin që të fryhet.
6. Marrim pjesën e mbetur të salcës dhe e shpërndajmë mbi frutat e detit në një tenxhere me kapak. I mbulojmë dhe i lemë të ziejnë me avull për rreth 7 minuta derisa karkalecat të marrin një ngjyrë të kuqe të ndezur dhe molusqet dhe midhjet të hapen. Ato që nuk hapen i hedhim. 
7. I servirim me majdanoz të grirë dhe shtrydhim pak limon.

Çfarë duhet të kemi parasysh:

• Përpiquni sa më shumë që të jetë e mundur të përdorni fruta deti të certifikuara. Këshilli i Administrimit Detar (MSC) është një burim i duhur për t’u informuar më shumë mbi këtë. 
• Orizi i zier pjesërisht shpesh konsiderohet si ‘ushqim i lehtë’ ose ‘golden sella’. Nëse nuk mund ta gjeni, çdo lloj orizi tjetër kokërrgjatë është në rregull.
• Përndryshe, zëvendësoni frutat e detit me shumë perime të përziera si karota të prera në shirita, bishtaja, speca të kuq e jeshilë dhe lakra të grira, dhe zëvendësoni lëngun e peshkut me atë të perimeve. I kaurdisim perimet në një tigan me shumë zjarr me pak vaj dhe hedhim kripë.

Yinka Ogunbiyi është kuzhiniere britaniko-nigeriane që drejton një seri kulinarie të quajtur “Eat Your Mouth”