Një letër dashurie për qytetin tim
Jam shumë e lumtur që festivali “Sunny Hill” do të rikthehet përsëri këtë vit në Prishtinë, Kosovë. Kur jetoja në Kosovë, nga mosha 11 deri në 15 vjeç, ëndërroja që një ditë të shikoja muzikantët e mi të preferuar të interpretonin live në qytetin tim, dhe kështu nga dëshira ime dhe e babit tim, lindi pikërisht festivali ynë. Jam jashtëzakonisht krenare për ekipin që na ndihmon me organizimin e festivalit tonë, veçanërisht pasi eventi i vjen në ndihmë edhe fondacionit tonë “Sunny Hill”, i cili mbështet organizata të ndryshme kosovare, veçanërisht ato në fushën e artit dhe të kulturës.
Sigurisht, është gjithmonë gëzim i madh të rikthehem në Prishtinë gjatë verës, dhe në festivalin që do të zgjasë katër ditë këtë vit do të mund të shihni kaq shumë artistë të jashtëzakonshëm. Nëse do të vini në “Sunny Hill”, këtu janë disa nga vendet ku duhet të provoni ushqimet e tyre dhe të argëtoheni në qytet. Shihemi atje!
Dua x
- Tiffany – Në këtë restorant tradicional shqiptar do të ndiheni si në shtëpi, në të gjitha kuptimet.
- Dit e Nat – Një kafe-librari ku mund të kënaqeni duke lexuar librat tuaj të rinj, ndërkohë që shijoni një kafe të shijshme.
- Soma Slow Food – Nëse doni të shijoni ushqime shumë të shijshme në mes të një parku, atëherë ky është vendi i duhur për ju.
- Renaissance – Për një meny shumë të shijshme pa bërë naze, “Renaissance” do t’ju lërë pa fjalë.
- Soma Book Station – një gastro-pub me libra dhe muzikë të luajtur me pllaka gramafoni... Mund të kaloj orë të tëra aty.
