“Më pëlqen të bëj pyetje për gjithçka”: Prezantuesja jokonformiste e shfaqjes televizive ende vazhdon të trajtojë problemet racore përmes komedisë

Ziwe, komediania nigero-amerikane, u bë menjëherë e famshme nga shfaqjet e saj trazuese-argëtuese dhe turpëruese në YouTube dhe Instagram Live. Në të dy rrjetet sociale, Ziwe ngacmon personazhe, duke filluar nga Rose McGowan e deri te kuzhinierja Alison Roman lidhur me çështjet racore. Serialet e komedisë, me të njëjtin emër, që pasuan më tej, bazohen në konceptin e shfaqjes së intervistave, lojërave me pyetje-përgjigje dhe videoklipeve muzikore, ku prezantuesja përsëri u bën qëllimisht pyetje të pakëndshme të ftuarve dhe audiencës: “Sa miq me ngjyrë keni?”. “Kur thoni ‘njerëz me ngjyrë’, a e shkruani me të madhe shkronjën ‘N’?”, “A ishin skllavopronarë paraardhësit tuaj?”. Është një personalitet provokues, por qëllimisht “i paditur” që Ziwe e quan “një kukull Bratz me diplomë”. (Ziwe e vërtetë studioi për radio, televizion, film dhe studime afro-amerikane pranë Universitetit Northwestern në Illinois).

Ndërsa Ziwe nis sezonin e dytë, krijuesi i tij thotë se qëllimi nuk është të poshtërojë ndonjë, por që të na nxisë të mendojmë se pse është kaq e vështirë të marrim përgjigje për pyetjet që bëjmë. “Pas pyetjes qëndron një pyetje tjetër”, shpjegon Ziwe. “Cila është mënyra e duhur për t’iu përgjigjur kësaj pyetjeje? Pse ndihem e shtangur? Unë thjesht po përpiqem të analizoj atë që ne e gjykojmë si të mirë; atë që ne e konsiderojmë të keqe; atë që ne e konsiderojmë fakt; atë që ne e konsiderojmë trillim”. Pjesa më e madhe e humorit fokusohet në boshllëkun ndërmjet asaj se çfarë mund të dëshirojnë si lojë të ftuarit për intervistën dhe se si e kalojnë kohën e tyre me Ziwe. Momente të tilla si kjo e Charlamagne Tha God që thotë: “Meshkujt me ngjyrë nuk tradhtojnë”, por duke sqaruar menjëherë në formë pohimi se kishte tradhtuar gjatë zgjedhjeve të fundit, kjo gjë krijoi një moment tepër të sikletshëm për teleshikuesit. Megjithatë, gjatë xhirimeve, Ziwe thotë se “intervistat janë vërtet të ngrohta, mikpritëse dhe argëtuese, dhe njerëzit qeshin. Nuk kam pse t’i lidh dhe t’i përplas para kamerave. Ata janë të rritur të vullnetshëm”. 30-vjeçarja Ziwe kujton admirimin e fortë fëmijëror të Britney Spears, dhe flet se si ndryshimi i opinionit publik rreth Spears modeloi disa nga pikëpamjet e mëvonshme të Ziwe mbi kulturën e njerëzve të famshëm. “Brenda harkut kohor prej dy, tre vjetësh, vajza që e donim, idhulli i Amerikës [u shndërrua në] ‘Ne e urrejmë atë. Ajo është djalli’”, thotë Ziwe. “Si e rritur, kthehem pas në atë kohë dhe them, ‘Uau’. Ju thjesht e konsumoni dhe e trajtoni si të vërtetë, sepse e gjeni në shtypin e shkruar ose sepse është në TV”. Kjo mungesë harmonie solli një dëshirë te Ziwe. “Më pëlqen të pyes për gjithçka”, thotë ajo, duke vënë në dukje se sa shumë i pëlqen të befasohet nga ajo që nuk di ose nuk pret. “Sa këndshëm ishte [gjatë] intervistës së Gloria Steinem, kur themi, ‘Hej, Gloria, a ka të bëjë kënga – Wet Ass Pussy – WAP – me fuqizimin e femrës?’ [Ne] e shikojmë atë në kohë reale, duke dëgjuar këngën dhe mendojmë, ‘Në fakt, jo’”. Kështu që, a është qëllimi i Ziwe të ndryshojë mendjet e njerëzve? Ajo sjell ndërmend kritikët që e gjykuan shfaqjen si shumë “aktruese”, duke thënë se “çështjet nuk u trajtuan thellësisht”. “Epo, nuk po planifikoja ta zgjidhja çështjen e racizmit në gjashtë episode, por ndoshta duhet të përpiqesha më shumë”, thotë Ziwe me ironi. “Nuk kam asnjë pritshmëri për ndikimin që do të ketë komedia ime. Shpjegimi i vetëm që kam janë të qeshurat”. Watch Ziwe në Showtime Anna Peele jeton në Nju Jork dhe shkruan për revista të ndryshme, duke përfshirë “New York Magazine”, “Vanity Fair” dhe “The Washington Post Magazine”