Më lejoni t’i rendit ato për ju
Një pjesë thelbësore e enigmës që ka mbetur jetike për çdo numër të Service95 dhe çdo episod të At Your Service është lista. U kërkuam publicistëve dhe të ftuarve tanë në podkast që të jepnin rekomandimet e tyre, si për shembull gjërat që duhen bërë me patjetër në qytetin e tyre të lindjes, librat që duhen lexuar, komedianët e shquar që duhen ndjekur dhe organizatat dhe aktivistët për t’i pasur në vëmendje. Për të festuar dashurinë tonë për listat, kemi përzgjedhur disa nga më të preferuarat e këtij viti deri më tani, disa prej të cilave janë publikuar këtu për herë të parë, duke përfshirë dhe rekomandimet e mia për Tiranën – vendndodhja e dytë për festivalin tonë “Sunny Hill”, që do të nisë nesër!
Dua x
- Bunk’Art 1 & 2 – këto shndërrime të jashtëzakonshme të bunkerëve mbartin ekspozita historike të Shqipërisë ndërthurur me artin bashkëkohor. Për të mos u humbur.
- Teleferiku i Dajtit – nëse doni të shikoni disa pamje spektakolare nga lart, thjesht ejani këtu.
- Shtëpia e Gjetheve – ky muze ka shërbyer si seli për sigurimin e shtetit gjatë epokës komuniste dhe tani është shndërruar në një vend kushtuar njerëzve të dënuar, persekutuar dhe spiunuar gjatë regjimit komunist.
- Shtëpia e Ismail Kadaresë – shtëpia e autorit të njohur shqiptar, Ismail Kadare, është shndërruar në muze dhe tani është e hapur për publikun.
- Blloku – Lagja moderne e Tiranës, është vendi ku do gjeni jetën e natës së qytetit, me plot bare dhe restorante argëtuese.
