Kthimi im në teatër (Publiku)
Më mungojnë shumë shfaqjet e teatrit. Kohët e fundit edhe pse s’kam pasur mundësi të shoh ndonjë shfaqje të bukur – për shkak turneve muzikore dhe gjërave të ngjashme, – miqtë e mi dhe autorët e Service95 (siç është Justin Kirkland në artikullin e tij të kësaj jave mbi Michael R. Jackson) më kanë mbajtur të informuar, kështu që kam bërë një listë të të gjitha produksioneve për të parë gjatë periudhës së ‘pushimeve të sezonit’. S’ka ndjenjë më emocionuese, sesa lidhja midis artistit në skenë dhe spektatorëve – të cilën e njoh mirë, – kështu që jam shumë e ngazëllyer që në muajt në vijim do të jem në anën tjetër të skenës. Ja se ç’do të shoh…
Dua x
- Into The Woods (“Nëpër pyll”) – në Broadway për tetë javë vetëm pas zhvendosjes nga qendra e qytetit të Nju Jorkut, ku Sara Bareilles luan gruan e bukëpjekësit në rivënien në skenë të muzikalit të Sondheim.
- The Glass Menagerie (“Kopshti zoologjik prej qelqi”) – Amy Adams në debutimin e saj në West End? Duhet ta shoh patjetër.
- Richard III – eventi “Shekspiri në Parkun e Nju Jorkut” është një traditë e vjetër, por kjo risjellje në skenë ka si personazhin kryesor Danai Guerirën e Black Panther (“Pantera e zezë”).
- POTUS – nëntitulli i kësaj komedie të Broadway Pas çdo idioti të madh qëndrojnë shtatë gra të cilat përpiqen ta mbajnë atë gjallë, që mendoj se e thotë troç të vërtetën!
- Jerusalem – Spektakli ikonë i Jez Butterworth, së bashku me Mark Rylance, kthehet në skenën e Londrës pas turneut të tij në 2009 (dhe një periudhe të shkurtër në Broadway në 2011), që mezi po pres ta shoh.
