Issue #009 Koalicioni që po ndihmon botën e artit për të adresuar ndryshimet klimatike

All products featured are independently chosen by the Service95 team. When you purchase something through our shopping links, we may earn an affiliate commission.

Image of an art installation by Yoko Ono, poster that reads: I Love You Earth

I Love You Earth, © Yoko Ono (2021), George Darrell

Arts, The Environment, List

Koalicioni që po ndihmon botën e artit për të adresuar ndryshimet klimatike

March 28, 2022 | By Vanessa Peterson

Bota e artit përbëhet nga një rrjet artistësh ndërveprues, galeristësh dhe kritikësh që marrin pjesë në panairet, ekspozitat bienale dhe muzetë e arteve në mbarën botën. Por, gjatë pandemisë, udhëtimet u reduktuan; ata që jetonin në periferi mund të bashkëbisedonin në internet dhe panairet e artit u zhvilluan në mënyrë virtuale.   Kjo ndalesë vuri në pikëpyetje udhëtimin e shpejtë nga një qytet në tjetrin dhe ndikimin e tij në mjedis. Këtu del në skenë “Gallery Climate Coalition” (GCC). E themeluar në vitin 2020 me qendra në Londër dhe Berlin, galeritë, muzetë dhe botuesit anëtarë të saj po bashkohen për të ndryshuar mënyrën se si bota e artit mendon për ndryshimet klimatike. Qëllimi i tyre është të nxisë organizatat që të reduktojnë në masën 50% emetimet e dyoksidit të karbonit deri në vitin 2030.   Krahas GCC-së, janë edhe disa institucione të tjera që zotohen për të ndryshuar situatën:

Serpentine Gallery në Londër lançoi General Ecology – një projekt në vazhdim e sipër me në fokus botimet, grupet e leximit dhe përfshirjen e një sërë artistësh dhe shkrimtarësh. 
La Biennale di Venezia e këtij viti, The Milk Of Dreams, po i jep mjedisit një vend të rëndësishëm, duke u bërë thirrje të gjithë pjesëmarrësve të reduktojnë dhe eliminojnë emetimet e dyoksidit të karbonit.
The Climate Museum në Nju Jork është institucioni i parë i përkushtuar ndaj ndryshimit të perceptimit publik lidhur me ndryshimet klimatike që ndërmerr iniciativa, përshirë projekte arti për ndërgjegjësimin e karburanteve fosile, përmes bisedave dhe ngjarjeve publike.
Vitin e kaluar, galeria Hauser & Wirth emëroi drejtoreshën e saj të parë globale të qëndrueshmërisë mjedisore e ngarkuar me paraqitjen e “kuotave të emetimit të dyoksidit të karbonit’ për çdo ekspozitë, për reduktimin e emetimeve dhe mbështetjen e iniciativave për eliminimin e dyoksidit të karbonit. Galeria mbështet edhe Art For Acres, një iniciativë jofitimprurëse për ruajtjen e tokës, e themeluar nga artistja Haley Mellin.

Vanessa Peterson jeton në Londër dhe është shkrimtare dhe bashkëredaktore e revistës Frieze magazine 

Koalicioni që po ndihmon botën e artit për të adresuar ndryshimet klimatike

Read More

My Hometown: Cinthia Sifa Mulanga’s Johannesburg

Paloma Elsesser’s 4 Creatives To Have On Your Radar

Why Jason deCaires Taylor May Be The Greatest Sculptor You’ve Never Heard Of