Këpucari që krijon diçka të bukur nga hiçi

I magjepsur nga pasioni i Lady Gaga-s për këpucët e bukura, por të parehatshme, Daniel Charkow, një këpucar me origjinë kanadeze që jeton në Londër, krijoi këpucët e tij të para në moshën 12-vjeçare. Dhjetë vjet më vonë, i njohur si @Shoe_Man_Dan, misioni i tij ishte që të sillte mjeshtërinë dhe të ruante cilësinë në modën e këpucëve.

Daniel Charkow i pëlqen të gërmojë nëpër fabrikat e tekstileve të Londrës për mbetje të lëkurave ose çfarëdo materiali tjetër që mund të gjejë. “Një nga fabrikat prodhon takat dhe shollat për marka si “Church’s and John Lobb”, ndërsa një tjetër furnizon me lëkurë Forcat Ajrore Mbretërore, kështu që unë thjesht futem dhe marr copëzat e mbetura. Me sa duket”, thotë ai më tej, “nëse prisni copëza nga një fletë e madhe lëkure, atëherë sigurisht që do të krijohen mbetje, ndaj detyra ime është t’i vë në punë ato”. Kjo nxitje për të krijuar këpucë të bukura nga mbetjet e çon Charkow në shtigje të pazakonta, prandaj kur gjen një karrige në anë të një rruge, ai e merr dhe me të bën një palë këpucë të mahnitshme. “Për strukturën e jashtme është përdorur mbulesa e karriges, për pjesën e takës këmba e karriges, ndërsa për shollën sfungjeri i saj”, shpjegon ai. Pas bashkëpunimit të tij me shumë stilistë të diplomuar në shkolla të ngjashme si ajo e “Central Saint Martins”, këtë verë Charkow do të hedhë në treg markën e tij. Shpresa e tij është që përmes energjisë së tij novatore të ndryshojë mënyrën se si i shohim këpucët tona, hap pas hapi. Pia Brynteson është ndihmësredaktore e Service95