Katër mënyra për të ndryshuar botën sipas Bryan Stevenson

Avokati amerikan dhe aktivisti i së drejtës sociale, themelues dhe Drejtor Ekzekutiv i Equal Justice Initiative, flet me Dua Lipën se si mund të ndikojmë në shkaqet që janë me interes për ne, në episodin më të fundit të podkastit tonë At Your Service, që do të shfaqet nesër, e premte, 14 tetor.

1. Përkushtojuni afrimitetit: ne duhet të gjejmë mënyra për t’u afruar më shumë me njerëzit që janë të përjashtuar, të margjinalizuar dhe të pafavorizuar. Nëse jemi afër, mund të dëgjojmë gjëra që ndryshe nuk do t’i dëgjonim, dhe të shohim gjëra që ndryshe nuk do t’i shihnim. Shumë nga përfaqësuesit tanë të zgjedhur dështojnë, sepse krijojnë politika dhe marrin vendime në vende të largëta nga njerëzit që ndikohen pikërisht nga ato politika dhe vendime që ata marrin. 
2. Ndryshimi i retorikës: Nuk mendoj se është e mjaftueshme të flasim për politika dhe probleme, por duhet të kuptojmë se çfarë fshihet pas kaq shumë prej këtyre politikave. Ka retorika në botë që nxisin mungesën e tolerancës, që nxisin dhunën dhe urrejtjen ndaj të tjerëve. Duhet t’i ndryshojmë këto retorika dhe t’i kritikojmë e sfidojmë ato.
3. Shpresë: Jam i bindur se mungesa e shpresës është armiku i drejtësisë. Mendoj se padrejtësia mbizotëron aty ku mungesa e shpresës vazhdon, dhe se shpresa është superfuqia jonë. 
4. Ne duhet të jemi të gatshëm të bëjmë gjëra të pakëndshme dhe të papërshtatshme. Neve na pëlqen rehatia, dhe këtu nuk ka asgjë të keqe, por nëse duam të përparojmë në disa çështje që duhen çuar përpara, atëherë duhet të zgjedhim të dalim nga zona e rehatisë. 

ABONOHUNI TE DUA LIPA: AT YOUR SERVICE