Isissa Komada-John: Artistja që përcjell shërimin nëpërmjet artit të saj

Për artisten Isissa Komada-John, që jeton në Karolinën e Veriut, balta ka një fuqi shëruese. Artistja dhe dizajnuesja – që krijon objekte qeramike me forma të valëzuara dhe spërkatje ngjyrash, e imagjinon çdo vepër si pjesë të një rituali ose një periudhe emocionesh të forta. Udhëtimi i saj krijues filloi me idenë e krijimit të mjeteve dhe praktikave për shërim. “Ashtu si një pjatë që shërben për të ngrënë”, thotë artistja, ajo donte të “krijonte objekte qeramike për të rezervuar hapësirën për njerëzit që po kalonin momente ndryshimesh të mëdha”.  

Qasja e Komada-John ndaj krijimeve të saj prej qeramike fillon nga “një vend i qetë dhe shpirtëror”. Ndonëse ajo punon kryesisht me argjilë, kompozimet e saj në letër janë po aq introspektive, me autoportretin e krijuar “në bashkëpunim me versione të ndryshme më të reja të [vetes]”. 

Pas një dekade pune pas kuintave në muze, në departamentet artistike dhe dizajnet e ekspozitave, ajo filloi të vinte re se frymëzimi që merrte nga artistët e tjerë po e nxiste edhe më shumë nevojën e saj për të bërë art. Ajo fitoi një bursë nga Shkolla e Arteve dhe Artizanatit Arrowmont (pjesë e Bursës së universitetit Wingate) dhe në 2022 punoi si artiste e brendshme pranë qendrës së arteve Township10 në Karolinën e Veriut.  

Veprat e Komada-John karakterizohen nga elementë të tillë si “shërimi, zhvillimi, transformimi [dhe] lidhja”. Vepra e saj me titull For Your Tears – një bashkëpunim me personin e mjekësisë, Ekua Adisa, është një enë, që fjalë për fjalë, mbledh lotët në të, ndërsa një person shtjellon pikëllimin. Për Heal, artistja ka krijuar pesë vepra “për të ndihmuar në procesin e shërimit të një plage gjatë disa muajve ose një viti”. Komada-John e shpjegon procesin e saj si më poshtë: “Më pëlqen të lidhem me njerëz që kërkojnë ndihmë për t’u zhvilluar në mënyra të reja dhe sfiduese ose për të përpunuar dhe kapërcyer një dhimbje që po përjetojnë”. Ajo e përshkruan qeramikën si një “praktikë të shkëlqyer të vetëdijes” dhe, si për veten ashtu edhe për njerëzit që e vlerësojnë artin e saj, qëllimi i saj është të përdorë enët që krijon “që të na ulë ritmin, të analizojmë veten dhe të na ndihmojë të ndryshojmë dhe të zhvillohemi”. 

Eva Recinos është gazetare e artit dhe e kulturës dhe shkrimtare e literaturës jotrilluese që jeton në Los Anxhelos.