In The Black Fantastic: Mposhtja për çdo ditë e kufizimeve me karakter racor

Ekow Eshun, kuratori i “In The Black Fantastic” – që është ekspozita e re verore në galerinë “Hayward” – përcjell frymëzimin e tij pas një shfaqjeje me vepra që nxisin mendime dhe imagjinatë për të “përballur pabarazitë e shoqërisë me karakter racor, duke sjellë në mendje vizione të reja të guximshme të perspektivës me ngjyrë” Gjatë viteve të fundit kam qenë në kërkim të fantastikes me ngjyrë. Unë e kam ndjekur progresin e tij, duke dëshmuar suksesin e tij në art, muzikë, film dhe letërsi. Më në fund këtë verë e përmbusha qëllimin tim të një ekspozitë të re që prezantova në galerinë “Hayward” në Londër. In The Black Fantastic është ekspozita e parë e madhe që mbledh artistë nga diaspora afrikane, të cilët përqafojnë mitin dhe fantashkencën në veprat e tyre si një mënyrë për të adresuar padrejtësitë racore dhe për të eksploruar realitete alternative. Ideja e fantastikës me ngjyrë nuk përshkruan një lëvizje apo një kategori të ngurtë aq shumë sa një mënyrë për të vështruar, të ndarë nga artistë që përballen me pabarazitë e shoqërisë bashkëkohore me karakter racor, duke sjellë në mendje tregime të reja të mundësisë ‘me ngjyrë’. Kjo nënkupton, p.sh., imazhet e mrekullueshme, të shkëlqyeshme të artistes Lina Iris Viktor, e cila frymëzohet nga burime të ndryshme, duke përfshirë modele me tekstile afrikane, praktika shpirtërore dhe mitologji në veprën e saj. Ose arti i Ellen Gallagher, e cila adreson tmerrin e tregtisë transatlantike të skllevërve nëpërmjet pikturave të frymëzuara nga mbretëritë mitike nënujore të banuara nga paraardhësit afrikanë që u mbytën gjatë udhëtimit transatlantik. Përtej artit pamor, ajo përfshin gjithashtu imazhet spektakolare të albumit Limonade të Beyonce ose të filmit Black Panther, ose romanet magjepsëse të Toni Morrison dhe Octavia E Butler. Në të gjitha këto raste, ne shohim kulturën me ngjyrë në imagjinatën e saj më të egër dhe ambicioze artistike. Po, pse fantastikja me ngjyrë vjen pikërisht tani? Në fund të fundit, historia e gjatë e racizmit dhe fanatizmit e vuajtur nga njerëzit me ngjyrë në perëndim, krijon një faktor të pashoqë për artin me në fokus mitin dhe fabulën. Aq më shumë në epokën e George Floyd dhe lëvizjes “Black Lives Matter”. Por do të gjykoja se kthesa drejt fantastikes nuk ka të bëjë aspak me ikjen nga realiteti. Përkundrazi, ajo sugjeron që të refuzojmë të jetuarit brenda kufizimeve të një bote që i përkufizon njerëzit me ngjyrë si inferiorë dhe të huaj. Por në vend të kësaj na fton në mënyrë emocionuese që të kapërcejmë kufizimet e të së përditshmes me karakter racor dhe të përqafojmë fantazinë si një hapësirë të çlirimit krijues dhe kulturor. Liria e ka emrin “Fantastikja me ngjyrë”. In The Black Fantastic, 29 qershor -18 shtator 2022 Ekow Eshun është shkrimtar, gazetar,  prezantues, kurator dhe ish-drejtor i Institutit të Arteve Bashkëkohore. Libri i tij, In The Black Fantastic, do të shfaqet në ekspozitën pranë Galerisë së Arteve Hayward

Rashaad Newsome, Stop Playing In My Face! Courtesy Rashaad Newsome Studio and Jessica Silverman, San Francisco; Tabita Rezaire, Ultra Wet – Recapitulation. Courtesy the artist and Goodman Gallery, Cape Town; Chris Ofili, Annunciation. Courtesy the artist and David Zwirner; Nick Cave, Soundsuit © Nick Cave. Courtesy the artist and Jack Shainman Gallery, New York; Ellen Gallagher, Ecstatic Draught Of Fishes © Ellen Gallagher. Courtesy Hauser & Wirth