Duhet ta njihni: Artiste e multimedias Meriem Bennani
Dy hardhuca qëndrojnë në një ballkon në Bruklin në perëndim të diellit, duke biseduar rreth izolimit. Një vilë marokene fillon të këndojë, duke nxjerrë dhëmbët. Një krokodil shndërrohet në ciceron i një bote futuriste ku të gjithë udhëtojnë nëpërmjet teleportimit dhe ata që ndalohen në pikën kufitare amerikane internohen në një ishull të Atlantikut.
Vepra e Meriem Bennani është jashtëzakonisht shokuese, duke kombinuar filmin dokumentar dhe skenat e improvizuara me animaicionet argëtuese e CGI-ja për të krijuar filma që mbajnë pezull realitetin dhe fantazinë. Artistja e multimedias dhe skulptorja e lindur në Marok është një yll që po ngrihet shpejt. Veprat e saj pushtuese janë shfaqur në galeritë, përfshirë MoMA PS1 dhe Whitney Museum Of American Art në Nju Jork dhe janë vlerësuar për analizën e tyre çarmatosëse të post-kolonializmit dhe identitetit kulturor. Vepra e saj, një produkt i një epoke ku pamjet filmike mund të kapen nga një iPhone dhe me filtrat nënkuptohet se mund të modifikojmë botën rreth nesh në kohë reale, është e më se e njohur në Instagram. Vitin e kaluar ajo u përfshi në listën e 100 njerëzve më me influencë të revistës ArtReview.
Së fundmi, Bennani bashkëpunoi me ekipin e Miuccia Prada në Koleksionin Pranverë-Verë 2022 të Miu Miut. Modelet sfiluan para ekraneve në formë dylbie që tregonin stetoskopë të animuar duke vallëzuar, audiencë që mbeste pa frymë dhe gra që diskutonin qetësisht rreth kirurgjisë plastike. “Më pëlqen të mendoj rreth marrëdhënies hapësirë-imazh në lëvizje, kështu që, për mua ishte një sfidë vërtet argëtuese edhe pse i bëmë të gjitha për rreth 20 ditë”, thotë Bennani. Asaj iu besua përmirësimi i transmetimit të drejtpërdrejtë të shfaqjes. “Miuccia Prada u shpreh në mënyrë specifike se mendonte se një artist do të ishte në gjendje të ripërcaktonte këto formate klasike..”
Ekspozita e Bennanit Life On The CAPS po shfaqet aktualisht në The Renaissance Society në Çikago dhe nga 7 maji do të zhvendoset në galerinë Nottingham Contemporary në Mbretërinë e Bashkuar. Shfaqja është një seri e Party On The CAPS, distopia e ishullit të burgut e shfaqur për herë të parë në 2018. “Mendoj se ky kapitull është pak më i zymtë se ai i mëparshmi, ndoshta, sepse, ashtu si shumica e njerëzve, kalova një kohë të vështirë pas dy vitesh pandemie dhe izolimi”, thotë ajo.
Rosalind Jana jeton në Londër dhe është shkrimtare për kulturën, artin dhe modën, shkrime të cilat botohen në revista si British Vogue, BBC Culture, Prospect dhe The Face
