Dua Lipa: At Your Service – Sezoni i Dytë
Jam shumë e lumtur të njoftoj fillimin e Sezonit të Dytë të, Dua Lipa: At Your Service. Kam punuar shumë me ekipin për t’ju sjellë disa të ftuar të veçantë dhe frymëzues, duke filluar nga Monica Lewinsky, e cila u vu në qendër të vëmendjes në vitin 1998 pas ekspozimit mediatik lidhur me marrëdhënien e saj me presidentin e atëhershëm Bill Clinton. Duhet të na ndiqni me patjetër, më besoni.
Ndodhem ende në turneun e Amerikës së Jugut dhe Qendrore, dhe po i menaxhoj të dyja punët e mia me shumë kënaqësi, kështu që nuk mund të rrija pa ju rekomanduar vendet që duhet të vizitoni në Mexico City, ku kam performuar së fundmi, i cili është edhe një nga qytetet e mia të preferuara.
- Casa Luis Barragán – ish-rezidenca e arkitektit Luis Barragán. Mendoj se kjo shtëpi është një nga veprat më të pakrahasueshme të arkitekturës bashkëkohore.
- Muzeu “Frida Kahlo” – një nga artistet e mia të preferuara të të gjitha kohërave, e cila e kthehu shtëpinë e saj në një muze për kënaqësinë e të gjithëve.
- Casa Orgánica – projektuar për t’ju dhënë ndjesinë se po hyni në disa nga vendet më të shenjta të njerëzimit (një mitër, një manastir, një shpellë), që nuk duhet humbur aspak. (Aktualisht është duke u rinovuar dhe do të rihapet në muajt e ardhshëm.)
- El Nido de Quetzalcóatl – E admiroj këtë eko-park të projektuar nga arkitekti meksikan, Javier Senosiain, që i ngjan folesë së një dragoi mitik.
- Museo Tamayo Arte Contemporáneo – kjo galeri arti bashkëkohore më bën të ndihem gjithmonë e frymëzuar.
