Arkivat rrëfejnë realitetin e jetuar të komunitetit queer në Londër
Arkivi HÄN, që i dedikohet komuniteteve lesbike, trans, jogjinore dhe jokonformuese gjinore dhe trashëgimisë së tyre krijuese, nuk është një arkiv i zakonshëm. “Çdokush mund të shfaqë çfarëdo që dëshiron”, thotë themeluesja Ella Boucht. “Një vepër, një tekst, një mesazh të vjetër për një të dashur, një foto të ndonjë të moshuari të tyre queer ose një person që admirojnë, një rrip, mëngjesi i tyre ose korseja e tyre e parë”.
Në bashkëpunim me shkrimtaren Anastasiia Fedorova dhe fotografes Anya Gorkova, stilistja finlandeze e modës dhe drejtore artistike, Boucht, hapën arkivin HÄN në korrik 2022 për të ilustruar gjerësinë dhe thellësinë e përvojës dhe krijimtarisë queer në Londër. Duke përfshirë botime, artin, një arkiv digjital, një faqe interneti dhe projekte komunitare, HÄN përshkruan “ndjenjën e bukur të përditshme dhe realitetin e jetuar të queer”, duke zbërthyer njëkohësisht se çfarë është dhe çfarë mund të jetë një arkiv bashkëkohor. Ai është një entitet i gjallë, frymëzues, që zgjerohet, transformohet dhe zhvendoset si identitetet që nxjerr në dritë.
I konceptuar fillimisht nga Boucht në vitin 2020, projekti ka qenë në zhvillim e sipër për dy vjet, kohë gjatë së cilës treshja ka gërmuar nëpër arkivat ekzistuese queer pranë Institutit “Bishopsgate” (“vendi më i mirë për takime romantike”, thotë Gorkova) dhe Biblioteka Qendrore “Saint Martins”, por jo vetëm. Për të lënë gjurmë në lançimin e HÄN në Reference Point në Londër, ekipi që qëndron pas arkivit ka hedhur në qarkullim një botim të kufizuar me të njëjtin emër që shërben si urë lidhëse midis së kaluarës dhe së ardhmes queer.
I ilustruar me portrete monokromatike intime të Gorkovës, botimi i parë fokusohet në zhanrin dhe përfaqësimin e tij sot, duke festuar “zhdërvjelltësinë dhe entuziazmin e transferimit të tij”, thotë Fedorova. Për këtë botim, Fedorova intervistoi anëtarë të komunitetit LGBTQIA+ nga fusha të ndryshme të jetës, nga mbreti i stilit “drag” dhe artisti burlesk, Prinx Silver, te kërkuesja e sendeve me vlerë, Lydia Birgani-Nia, dhe artistja e arteve marciale, Black Venus. Në përfundim botimi rezultoi tërheqës, serioz, zbavitës, i këndshëm, provokues, dhe mbi të gjitha, plotësisht shpresëdhënës në “një botë që digjet – dhe në një botë që po rilind”.
Misioni përfundimtar është të ndërtohet një arkiv queer bashkëkohor në nivel ndërkombëtar, i cili është po aq i përshtatshëm sa kurrë më parë, duke pasur parasysh regresin e të drejtave të LGBTQ në mbarë botën. “Duket sikur në këtë pikë më në fund po rigjejmë veten, duke reflektuar mbi të kaluarën, duke pranuar të tashmen dhe duke krijuar një të ardhme të re emocionuese për veten tonë”, thotë Gorkova. “Dhe këtë herë, sipas mënyrës sonë”.
Nini Barbakadze është gazetare e modës dhe redaktore e “Phreak Issue”, artikujt e së cilës janë botuar në “Financial Times”, “Love Magazine”, “Metal Magazine”, “Forbes”, “Coeval Magazine” dhe “Year Zero”.
